很多人都可能有同樣的迷思，就是一日只可以食一隻蛋因為雞蛋的膽固醇很高。但近日有研究指出，原來食蛋高膽固醇只係一個誤解！雞蛋營養值非常豐富，日日食還可減肥、護肝和防老人痴呆!
1. 雞蛋迷思：食得多會高膽固醇？
日本醫生表示，其實膽固醇係分有好、壞功能，但世間偏向放大壞功能方面嘅影響，而經常避免吸收膽固醇。事實上，吸收過多膽固醇的確會因為停留喺血管壁，而導致動脈硬化，但同時，膽固醇亦都係製造體內約60兆個細胞嘅細胞膜所必要嘅材料，適量攝取膽固醇係有需要架！
醫生亦指出，血液膽固醇嘅來源30％來自食物，70％來自肝臟分泌，而且肝臟嘅分泌量會自行調整。換句話說，從食物而來嘅血液膽固醇較多嘅情況下，肝臟就會分泌較少血液膽固醇，反之亦然。所以體內嘅血液膽固醇數值，相比起一餐食咩，更多數係取決於肝臟嘅運動。
之前曾有個醫學調查，搵來1星期都冇1日會食蛋、1星期1~2日會食、1星期食3~4日、同幾乎每日都食蛋嘅人進行血清總膽固醇濃度比較，發現數值相差只有極少數！咁點解會有食得多雞蛋會高膽固醇嘅說法呢？
*一切都係兔子的錯?!
追溯100年前俄羅斯學者所做的動物實驗，將膽固醇餵給兔子食之後，出現動脈硬化症狀，並因而斷定膽固醇會對人體有害。然而，這就是所有誤解嘅開端⋯⋯
兔子是草食性動物，本來就不具備分解膽固醇嘅身體功能，就因為無法分解，才會引致動脈硬化症狀，對人體其實並無影響。
醫生應為，因為已經過了100年之久，一個說法一旦被固定化，要推翻就好難，日本厚生勞動省成功推翻說法是2015年。
到底一日可以食幾多隻蛋呢？醫生指從飲食中攝取膽固醇嘅限制目標數值，其實係沒有上限！由飲食導致血液膽固醇量提高的說法，原來並無科學根據！即使食雞蛋，血液膽固醇值都係唔會有變化。不過考慮到飲食平衡，醫生建議一日食三隻雞蛋最適量。
2. 雞蛋可活化腦部？
眾所周知的腦退化症，是由一種稱為乙酰膽鹼嘅物質含量減少而引致的，蛋黃中就含有稱為膽鹼物質，可有效減低腦退化症嘅發病機率。
除雞蛋以外，都有不同食物係含有膽鹼成分嘅，但雞蛋中含有量最為豐富，2隻雞蛋已經好比1塊330g的牛扒！
而且日本好多雞農會喺雞糧當中加入「魚粉」，用沙甸魚製成DHA含量豐富嘅魚粉，再餵給雞隻，DHA嘅營養值就會轉移到雞蛋裡。DHA可有效提升認知能力、專注力、計劃同解決問題技巧，對腦部幫助非常大！
—- 廣告後繼續 —-
3. 蛋白蛋白質可燃燒脂肪?!
據最新研究指，蛋白蛋白質係具有減肥效果！唔單止可有助燃燒脂肪，更可有效抑制脂肪於肝臟形成，最新動物實驗亦指出蛋白蛋白質有助對抗代謝症候群，幫助形成肌肉。
專家表示雖然配合運動一齊做可提升肌肉形成的效果，但單單只係攝取蛋白蛋白質便可促進肌肉形成。
有數據指出，持續每日攝取20g蛋白質，3個月後去除脂肪部分唔計，包括肌肉計算嘅結果中，觀察對象嘅老人家體重增長咗1kg。但由於高齡者較難增生肌肉，所以專家推薦高齡人士每日攝取30g或以上蛋白質較好。
雖然蛋白有蛋白質，但蛋黃都是很重要的！調查發現，相比只食蛋白，食全蛋營養更豐富，肌肉嘅合成反應比只食蛋白高出30％！明明是同等份量的蛋白質為什麼差這樣遠呢？因為蛋黃有豐富嘅維他命D，食全蛋有效防止肌肉老化。
*食雞蛋的時機
專家指出，運動前不應該吃，因為會令血液無法送到內臟，容易引起消化不良嘅症狀。食雞蛋的最佳方法係：1）同米、麵等糖質一齊攝取(糖尿病患者需徵求醫生指示)、2）運動後先食。
4.大眾對雞蛋的各種迷思
生雞蛋拌飯的食法
日本人好鍾意食生雞蛋拌飯，相信唔少人去到日本，都有興趣試一試日本雞蛋有幾新鮮美味，原來他們的食法都很講究！原來正確食用可防止皮膚同頭髮老化！
重點1：不要拌勻
蛋黃中含有的生物素對皮膚同髮質好，但蛋白中含有的抗生物素蛋白會妨礙生物素的吸收，將雞蛋打勻會令營養流失！
重點2：飯量充足且夠熱
蛋白中含有的抗生物素蛋白可經由熱力破壞，而飯量夠多的話就可以產生足夠的熱力，更容易破壞抗生物素蛋白，保留蛋黃的營養值。
而營養師就推薦用紫菜做生雞蛋拌飯的topping。因為雞蛋冇食物纖維同維他命C，而紫菜就剛好補充了這些營養。
*雞蛋中白白的東西是什麼？
雞蛋中白色的紐狀物其實是卵黃系帶，含有良性蛋白質之餘，還有抗癌藥中會出現的唾液酸成分，醫生推薦食埋佢！下次食雞蛋唔好挑走佢啦！
*烚蛋層薄膜食唔食得？
你有冇試過烚完水煮蛋，剝殼時仲有層薄膜黏住，好難撕又唔好咬口？原來這層膜叫蛋殼膜，根據最新研究，這層膜可有助抑制炎症，還是有效改善肝機能，建議大家食埋佢！
*雞蛋有沒有腐壞？應該如何保存？
醫生教你不用打隻蛋出來，就可以知道隻蛋仲新唔新鮮的方法：將雞蛋放入鹽水。如果隻雞蛋放得太耐，已經唔新鮮嘅話，佢會因為蛋內有空氣而浮於鹽水上，而新鮮的蛋會向下沉。
雞蛋底部較圓的部分稱為氣室，是雞蛋進行呼吸的部位，要保持雞蛋鮮度的話要將較尖嘅部分朝下擺放。如果將雞蛋上下翻轉，較尖的部分朝上擺放的話，蛋黃下沉會阻礙呼吸，令雞蛋加速劣化。以後買蛋記得要留意啦！
資料來源：日本最新研究：雞蛋高膽固醇係誤解！｜日日食可減肥、護肝、防老人痴呆
—- 廣告—-
